متعلقات بسيطة فى حياتك مهمة بالنسبالك .. وردة دبلانة فى حضن كتابك .. صورة مقسومة فى بروازك .. تفتش فى جيب بنطلونك القديم تلاقى تذكرة سينما لفيلم من الزمن الجميل .. ودى ولاعه جتلك اول هدية منها .. رغم انها طلبت منك كتير انك تبطل تدخين . بس كنت بتدخن مش حب فى السجاير بس كنت بتحب وهى بتهتم بيك وخايفة عليك .. تشغل الموسيقى اللى كنتوا بتحبوها سوا .. ترجعك لذكريات مدفونة جوا قلبك .. تمسك الوردة يترد فيها الروح .. تلمس الصورة المقسومة يكمل نصها التانى .. يمتزج الماضى بالحاضر تشوفها بتقرب منك مش قادر تحدد ده واقع ولا خيال .. تمسح بايديها على راسك وجواها الف كلمة عايزة تخرج منها بس تفهم كل حاجة من عينيها .. تقرب منك وتمسح دموعك وتطمنك انها مش هتسيبك تانى .. وحشتك جداً وحشك ضحكتها وحشك صوتها وحشك دموعها وحشك برائتها وحشك سذاجتها .. كل حاجة فيها وحشتك .. ازاى سيبتنى لوحدى طول الفترة دى ؟! تحكى وتسمعك بعنيها .. تبكى وبايديها تمسح دموعك .. تسهر معاها لحد نور الشمس ما يملا المكان .. وتختفى روحها مع القمر .. وترجع الوردة دبلانة .. والصورة مقسومة .. وحده تسيطر عليك من جديد وتقول سيبانى لوحدى لية فى الدنيا ؟!
هناك 6 تعليقات:
7elwa awy awy
5alitny fe3lan sara7t be 5aialy ma3ak w et5ailt kol kelma 2oltaha w 7asitha begad
i'll not talk about this one bcause ana ba7ebha awi mn awel marra 2retha w u know enha shbahy awii .
وترجع الورده دبلانه و الصوره مقسومه :(
جامد جدا جدا كمان
اسلوبك روعة
hichammm...enta bet2oul kol eli gowana aweee...:IIIfe3lan el e7sas dah byet7arak f kol el nas ta2riban ww bey3azebni ana kmana ...l2eni batmana arga3 l2ayam fel madii w bafteker zekrayat batmana enaha terga3 tanyy w a3eshha la2enaha kanet agmal ayam 3omry eli la yomken 7atet3awad..bgadd mesh 3arfa 2a2olak ehh....enta hayeellll
=))
إرسال تعليق