شوية يمين ,, شوية كمان ,, بس كدة ..ها اية رأيك ؟ مظبوطة فى النص صح ؟
اه , بس
بس اية ؟
حاسس ان الحيطة مش لايقة مع البرواز
مش مهم , المهم ان انا وانت لايقين على بعض فى الصورة!
انا نفسى ابوس ربنا اوى ,, انا ببعتله بوسه كل يوم من الشباك
سكتت شوية وقالت ,, هو ربنا عامل ازاى!؟
انا حامل
بجد ! ,, انا مش عارفة اقولك مبروك ولا اعزيكى
ابتسمت ابتسامة خفيفة وقالت ,, هو فى السما وابنه على الارض ,, اعتقد ان ده شىء يرضينى!
طارت البالونة من ايدية ,, وبداء يعيط كأن ابوه تاه منه ,, لحد ما اختفت البالونة وسط السحاب
راح مسك ايد باباه وهو بيعيط قوى ,, وقاله بالونتى طارت بعيد
باباه بص للسما وقال ماتزعلش دى راحت لماما.
بيتابع نشرة الاخبار وابنه قدامة بيلعب بلعب صغيرة على الارض
قولتلك بلاش تخليه يلعب بالعساكر البلاستيك الصغيرين دول ,, ممكن يبلع واحد منهم
خليه يتعلم ياكلهم من دلوقتى عشان ما يخفش منهم لما يكبر!
انت سكران ولا اية ؟
لا انا فرحان بس ,, فرحان لدرجة انى مخنوق!
الله يرحمها كانت عايقه من يومها ,,كانت بتحب تلبس بواريك اوى ,, وكل كام شهر تسافر برا وترجع بشنط قد كدة
هى ماتت ازاى ؟
البواب بيقول انها ماتت فى لندن ,, كانت بتتعالج من السرطان!
صايم ازاى يعنى ؟ مش الاخ مسيحى بردو؟
اه
اه
امال ازاى صايم معانا فى رمضان؟
هواحنا فى شهر رمضان اه بس صايم الصيام بتاعنا!
بفكر اكتب رسالة وارميها فى البحر واشوف هتوصل لمين ؟
اية الجنان ده !!؟
لو مفيش امل يبقى نخلق احنا الأمل!!
محتاج مساعدة ؟
بصلى و ابتسملى ابتسامة كدة من جوا همومه وقال
مساعدة ؟ لا شكرا العربية مفيهاش حاجة .. انا واقف هنا شوية وهمشى
على فكرة مش لازم تكون المساعدة حاجة فى العربية .. وعلى العموم انا مش بفهم حاجة فى العربيات خالص!
افتح الشباك ,, محتاج هوا ,, محتاج اتنفس
مالك فى اية ؟
لما بفكر انى مش معاه تانى ,, بتخنق
بحس ان الاوكسيجين خلص من العالم!
اتكلمنا امبارح وقولت اللى جوايا
وقالك اية ؟
اللى كان جوايا!
هناك تعليق واحد:
جامده جدا
إرسال تعليق